Triunfo do Baxi Ferrol no inicio da fase de ascenso á elite. As ferrolás son as grandes favoritas neste play-off, están invictas na competición. Esta mañá, na fase final que se celebra en Leganés, o Baxi Ferrol derrotou o Maresme por nove puntos de diferenza, 78 a 69, nun partido que se rachou a prol das de Lino López no terceiro cuarto.

Andrea Boquete con 16 puntos e Mar Swart con 12 foron as mellores en ataque. No Baxi mentalízanse para o seguinte partido. O sábado xogan co UCAM murciano.