CRTVG

Buscar

Trinta e sete provincias españolas están en alerta polo temporal

Publicado o 04/12/2020 14:18

A entrada da borrasca Dora está deixando cubertas de neve amplas zonas da Península desde a cordilleira Cantábrica ao sistema Ibérico.

No principado de Asturias, a neve acumulada durante a noite obriga a utilizar cadeas para circular por 17 portos de montaña.

Neve tamén nas montañas de Euskadi, onde as máquinas traballan para manter aberta a rede viaria.

"Pero ben, pois xa que vén, que vén, que vén, pois haberá que prepararse".

En Castela e León hai nove treitos de estrada afectados pola neve e o xeo nas provincias de León, Ávila e Segovia.

En total son 37 as provincias en alerta por nevaradas, vento e temporal no mar. No Cantábrico as ondas de ata sete metros superan sen dificultade os diques de protección.

Nas Baleares, mantense activada a alerta por mar de fondo con ondas de ata catro metros e refachos de vento superiores aos 70 quilómetros por hora.

Máis de 30 provincias españolas permanecen en alerta por neve, vento e temporal no mar, con ondas superiores aos sete metros no Cantábrico oriental.

As adversas condicións atmosféricas fan necesarias as cadeas para circular por varias estradas de Asturias, León, Ávila e Teruel. 

Noticias web

04/12/2020