A Dirección Xeral de Tráfico intensifica os controis a motoristas durante esta fin de semana.
Coincidindo coa chegada do bo tempo, os axentes están a realizar controis de velocidade, de consumo de alcol e drogas e de comportamentos irregulares, sobre todo en estradas secundarias, as máis frecuentadas polos moteiros.

Anuncian outras dúas campañas semellantes en xullo e setembro.

No que vai de ano, 51 motoristas faleceron nas estradas españolas, tres nas galegas, a gran maioría durante as fins de semana. A práctica totalidade dos falecidos eran homes, de 35 a 44 anos.