O Ministerio de Traballo inicia os trámites para negociar a suba do salario mínimo interprofesional, conxelado desde 2020. A ministra e vicepresidenta Yolanda Díaz convocou os axentes sociais o 1 de setembro para ofrecerlles a proposta do seu departamento.

Os sindicatos piden subir o salario mínimo uns 20 euros, ata os 970. A patronal está en contra da suba. A parte socialista do Executivo, partidaria de pospoñer o incremento ata 2022, aceptou finalmente facelo xa en setembro, como propoñía Unidas Podemos, ante os bos resultados de emprego do verán.