Hoxe están chamados á folga os traballadores temporais e interinos das administracións públicas de toda España. Protestan polo abuso da temporalidade nas contratacións e a reforma do Estatuto Básico do Empregado Público impulsada por Iceta.

Cren que non dará solución aos 800.000 traballadores que levan décadas encadeando contratos temporais, 24.000 en Galicia. Aquí apoian a protesta a plataforma de Temporais, PLATEGAL, a CUT e a CNT. A manifestación principal é ás sete da tarde en Santiago.