A Academia Galega de Ciencias homenaxea este ano a Tomás Batuecas Marugán, que en 1932 ocupou na Universidade de Santiago a primeira cátedra de Física Química de España. Foi referente internacional na determinación do peso atómico dos elementos químicos da táboa periódica, fundamental para investigar aplicacións dos elementos na medicina ou na industria.

Batuecas será homenaxeado o Día da Ciencia de Galicia, o 8 de outubro, que este ano coincide co 150 aniversario da creación da táboa periódica.