O comité tamén decidiu aliviar a situación en seis concellos. Son Toén, San Cibrao das Viñas, Vedra, O Pino, Mugardos e Viveiro.

Os veciños de San Cibrao das Viñas están contentos con esa decisión do comité clínico. Estaban desexando que se suavizasen esas restricións que se impuxeran hai tres semanas.

​Os resultados epidemiolóxicos son bos, así que pasarán ao nivel dous.

Dende mañá estará permitida nestes seis concellos a mobilidade e a hostalería volverá abrir. Iso si, con restricións de ocupación. Os comercios, ao 50%, e as reunións con non conviventes, reducidas a seis persoas.

Dende as autoridades sanitarias piden moita prudencia a partir de agora para non volver atrás.