CRTVG

Buscar

Todo o concello de Valga continúa desolado polo triplo crime machista

Publicado o 19/09/2019 14:12

"Igual que a familia, estamos coa familia cen por cen"

Son as palabras dos veciños de Carracido, que comparten a dor e continúan rotos ao recordar o triplo crime machista que tivo lugar a poucos metros das súas casas o luns pasado. Nesta pequena aldea, esta mañá só rompían o silencio as mostras de cariño que chegaban ao domicilio en forma de flores ou candeas.

A poucos minutos de alí, en Campaña, aldea natal das tres mulleres asasinadas, seguen enmudecidos, e a soidade de hoxe contrasta coa multitude que se viviu onte ao serán, cando os corpos de Sandra, Alba e Elena foron enterrados no cemiterio desta parroquia. A familia estivo arroupada por veciños, amigos, compañeiros de traballo e mesmo representantes políticos.

Ao mesmo tempo e ao longo de máis de cincuenta cidades galegas, miles de persoas uníanse en múltiples concentracións condenando a violencia machista e reclamando, entre mostras de indignación, medidas para frear este tipo de crimes.

Esperan que a normalidade se volva a recuperar pouco a pouco, e desexan que os menores poidan quedar co seu avó.

Envía o teu comentario!
Para poder comentar esta entrada debes estar rexistrado.
Introduce o teu usuario e contrasinal aquí

Noticias web

19/09/2019