Cando a realidade abafa, a primavera reparte sol con xenerosidade e insufla alento. As terrazas que hai pouco durmían agardando tempos mellores son agora trincheiras que axudan a resistir.

Na Mariña coruñesa ao mediodía aínda quedaban mesas libres, cousas do cambio de hora, pero os hostaleiros din que están traballando ben, aínda que limitados ao cincuenta por cento da capacidade no exterior.

Cren que será unha boa Semana Santa, dentro das posibilidades, sempre matizan. Polo momento, parece que a primavera seguirá vogando a favor.