Moita calor tamén nas Rías Baixas. Máis de 30 graos teñen en Vigo. Aínda que alí por sorte contan co alivio de estar preto do mar.

Xa a temperatura de 20 graos que se rexistrou ás 8 da mañá presaxiaba que hoxe sería, como está sendo, unha desas xornadas en que a chaqueta sobra, polo menos, durante o día, xa que se agardan 31 gros de máxima para Vigo e 29 para Pontevedra.

Ollo, porque, como avanzan os nosos compañeiros do tempo, pola tardiña irán aparecendo brétemas costeiras, típicas desta época do ano, polo contraste entre a temperatura da auga do mar, que está relativamente fría, e a do aire, que está relativamente quente. De aí que cara ao serán e para esta noite especial de véspera de San Xoán haxa que ir botando man dunha chaquetiña, porque os termómetros descenderán ata os 14 graos. Quedaría así un ambiente suave e algo máis fresquiño que, por exemplo, esta mesma noite pasada.