Susto na Coruña, na zona do vello mercado de Santa Lucía. Caeu a protección e parte da fachada dun edificio abandonado. No barrio non se fala doutra cousa, e a rúa permanece pechada.

Por sorte, non transitaba ninguén pola zona no momento en que caeu parte da cornixa. Hai xa tempo que os veciños que residen nos inmobles lindeiros veñen denunciando o seu estado de abandono.

Falan de perigo, pero tamén de problemas maiores que xa afectan as súas propias vivendas. É o caso dunha veciña, ela di que leva xa catro anos loitando cos ratos que dende aquí conseguen acceder ao interior da súa casa. Denuncia que ninguén tome medidas para evitalo.

Agora piden que se actúe de inmediato para evitar males maiores. Só na cidade da Coruña hai preto de 1.300 inmobles e soares baleiros ou en estado de abandono.