Un mes despois da fin do estado de alarma, os prezos dos carburantes experimentaron un aumento considerable. Esta semana encadean a undécima suba consecutiva, é dicir, dende o mes de maio, en pleno confinamento, subiron un 8,6% de media tanto o diésel como a gasolina. O gasóleo sitúase agora de media no 1,06 céntimos o prezo do litro e o da gasolina no 1,16 céntimos.

Un aumento importante se temos en conta que nos meses de abril e maio, durante a pandemia, o diésel chegou a estar por debaixo dun euro nalgúns surtidores. Baixaron lentamente e soben moi rápido din os ususarios. O certo é que tamén o fixo o barril de cru, o prezo do barril de Brent, sitúase agora en 44,7 dolares, e lembremos que chegou a estar en valores próximos a cero.

Con todo, os prezos dos carburantes están agora aínda un 12% máis baratos que hai un ano por estas mesmas datas. E aínda están moi por debaixo da media europea debido á menor presión fiscal no conxunto do Estado español.