A situación pandémica en Galicia sofre hoxe unha pequena recaída: tras 25 días consecutivos diminuíndo o número de persoas contaxiadas, hoxe o Sergas informa dun lixeiro aumento de casos. Hai 1.355 casos activos, nove máis ca onte, tras unha repunta de 113 novos positivos.

Por áreas sanitarias, a repartición sería a seguinte:

A Coruña: 410 (+9)

Ferrol: 96 (+3)

Lugo: 177 (+2)

Ourense: 154 (+9)

Pontevedra: 127 (+3)

Santiago: 127 (-7)

Vigo: 264 (-10)

Estabilidade nos hospitais

No que respecta ás hospitalizacións, as cousas seguen semellantes a onte. Hai 61 persoas ingresadas pola covid−19: 45 en planta (-2) e 15 nas UCI (+1).

Van cinco días sen falecementos por mor da doenza en Galicia. No que vai de pandemia, 2.430 persoas finaron pola covid-19.

Sobe a positividade

O incremento de positivos detectados, sobre todo nas áreas da Coruña e de Ourense, fixo elevar a positividade ate case rozar o 3 % -2,96 %-.  Deron positivo 113 das 3.813 (+151).

Mapas de incidencia por concellos