Soben os casos activos e os positivos, pero redúcese a presión asistencial
• Baixan os casos nas áreas da Coruña, Pontevedra ou Ferrol
• Son os mellores datos de hospitalizados en dúas semanas
En Galicia hai 3.061 persoas diagnosticadas de covid-19, 34 máis ca onte. Son os últimos datos do Sergas (consolidados onte ás 18:00 horas), que amosan un lixeiro incremento dos novos positivos, ata os 189, dos cales 164 foron confirmados a través de probas PCR.
Por áreas sanitarias, a repartición de casos quedaría así:
A Coruña: 685 (-2)
Vigo: 913 (+15)
Ourense: 279 (+17)
Santiago: 386 (+3)
Lugo: 233 (+9)
Pontevedra: 473 (-5)
Ferrol: 92 (-3)
Baixa a presión hospitalaria
No tocante aos hospitais, hai 200 persoas ingresadas pola covid-19 (-12): 152 en planta (-13) e 48 nas UCI (+1). Son os mellores datos en planta dende hai once días, dúas semanas no caso das cifras globais.
Repunta de positivos
Das 7.781 probas PCR realizadas (2.441), deron positivo 164, 58 máis ca onte, o que supón unha suba do taxa de positividade ata o 2,11 %, rompendo a serie de catro días consecutivos por debaixo do 2 %.