Este é un domingo chuvioso en boa parte do país, aínda que as precipitacións serán máis ocasionais pola tarde. No litoral, a situación foi complicada por momentos. Un aviso amarelo afectará hoxe a toda a costa galega por ondas de catro e cinco metros. Está activo desde o mediodía e durará ata a medianoite. Na madrugada xa estivera activo un aviso amarelo por vento do suroeste de forza sete no noroeste da provincia da Coruña.