Siemens-Gamesa anuncia o peche da planta de Aoiz, en Navarra, e o despedimento de 239 traballadores, pero manterá operativa a sua planta coruñesa das Somozas.

A empresa de aeroxeradores pon así fin a 11 anos de proxecto na vila navarra. Siemens-Gamesa argumenta o peche en que necesita fabricar pas máis grandes e que a planta de Navarra non é competitiva para facelo.

Recentemente, a compañía abriu unha nova planta na localidade portuguesa de Vagos que poñía en perigo as plantas das Somozas e Cuenca, pero a compañía chegou a un acordo co Goberno para a súa continuidade tras conseguir un contrato para instalar 140 aeroxeradores nas costas de Holanda.