Gaku Shibasaki foi unha das grandes apostas do Deportivo. O xaponés non está contento de como lle vai, nin no colectivo nin no individual.

O nipón recoñece que el tampouco está satisfeito co seu rendemento nos primeiros partidos de Liga. Pensa que, ao igual co equipo, pode dar máis e quere dar máis.

Así e todo, non dubida do paso que deu vindo á Coruña: "Non teño dúbida ningunha nin arrepentimento por elixir este camiño", asegura.

No seu escaso español, afirma que o problema non é de comunicación: "Non teño moitas palabras, pero hai que falar cando teño que falar. Entendo todo", apunta. 

Só falta, xa que logo, que apareza a súa mellor versión.