Durante os dous meses de confinamento, os propietarios do restaurante Asteria de Caión, na Costa da Morte, pensaron na mellor fórmula para combater o coronvirus no momento de abrir. E decidiron usar cubertos e vasos de pástico e servir as racións nos envases da comida para levar.

Guillermo Iglesias, propietario e xerente da Cafetería-Restaurante Asteria: "Cada cliente ten o seu tuper, que usa el só e que despois vai para o lixo.Todo de usar e tirar. Empaquetamos todo, envasamos todo, e así ninguén está en contacto con vaixela nin utensilios".

Tampouco hai cartas que os clientes poidan tocar. Para elixir o menú hai pizarras e un código QR para quen prefira mirala no móbil. E cando marchan os ocupantes dunha mesa, os seguintes teñen que agardar.

"Á parte de toda a desinfección do local, fóra e dentro, sempre que se levanta un cliente desinfectamos todas as mesas e todas as sillas". 

Esta fin de semana traballaron seis persoas. Como o comedor interior non pode abrir e a terraza está ao 50 por cento, quedan aínda empregados con ERTE.