Este Lugo é o segundo equipo máis goleado da categoría. Recibiu 9 tantos en 6 xornadas. Só unha vez deixou a súa portería a cero. 

"Non creo que sexa un problema de que o equipo defenda mal. Máis ben de descoidos ou perdas de concentración que nos custan puntos".

Doce temporadas na Segunda. Quinto xogador con máis partidos na clasificación histórica da categoría. E como apenas levamos mes e medio de competición, avisa.

"Sacar conclusións agora é moi precipitado, isto é unha carreira de resistencia".

Unha carreira cun único obxectivo moi claro: a permanencia.

"Sería para nós como gañar a Champions, como un título".

Ten moito menos protagonismo. Só unha vez foi titular esta temporada. Pero en Lugo é o líder.