A Policía Nacional segue na procura de máis implicados no crime de Samuel. O caso segue baixo segredo de sumario, pero podemos confirmar que esta fin de semana non houbo detencións novas.

O delegado do Goberno en Galicia, José Miñones, confirmaba esta mañá que non houbo novos arrestos durante a fin de semana. Os investigadores continúan co visionado das cámaras de seguridade e con probas testificais e non se descartan novas detencións.

O venres a xuíza enviou a prisión os tres mozos presos pola súa presunta participación activa no ataque a Samuel e ordenou o internamento nun centro os dous menores investigados. A moza, parella dun dos encarcerados, quedou en liberdade con cargos baixo a obriga de comparecer periodicamente no xulgado.