Galicia suma oito días consecutivos sen mortes por coronavirus. Ao non rexistrar falecidos durante a xornada deste xoves, o total mantense en 619.

Porén, a Dirección Xeral de Saúde Pública rexistrou nas últimas 24 horas un leve incremento de contaxios activos de coronavirus en Galicia, con dous casos máis, o que sitúa a cifra total de afectados en 343.

Baixou nunha persoa o número de hospitalizados, co que xa só permanecen ingresados seis pacientes, ningún deles en UCI. Houbo tres novas altas, que sitúan a cifra total de recuperacións en 10.506 persoas.

Por áreas sanitarias, a distribución dos casos activos é a seguinte:

• Vigo: 141 (=).

• A Coruña: 109 (=).

• Santiago: 31 (+1).

• Lugo: 18 (+1).

• Ferrol: 12 (=).

• Pontevedra: 7 (=).

O número de PCR realizadas é de 162.562.