Seis novas entidades uníronse ao programa Iacobus, en que universidades e centros de ensino de Galicia e o norte de Portugal colaboran en proxectos de investigación e desenvolvemento científico.

Entre os novos membros están dous institutos de investigación sanitaria galegos, as fundacións Nóvoa Santos e Biomédica Galicia Sur e os centros clínicos de Braga e o ICBAS portugués.

O vicepresidente da Xunta destacou que os proxectos desta nova edición do programa Iacobus se centrarán no estudo da covid-19.