Coa chegada do verán aumenta o número de animais abandonados. No refuxio de Santiago agardan por un novo dono case 200 cans e uns 150 gatos, pero reiteran que levar un animal para a casa esixe responsabilidade.

Fran foi o último can abandonado que chegou hoxe mesmo a este refuxio de animais de Santiago. Coma el outros case 200 cans e 150 gatos, agardan que algúen se encariñe con eles e os leve en adopción.

Ademais, a presenza de peregrinos incrementa a chegada de animais ao refuxio.

Desde aquí fan un chamamento á adopción; chamamento ao que respondeu esta familia do Rosal, que viaxou ata Santiago á busca dun gato.

Pero no refuxio insisten en que levar un animal para a casa esixe, sobre todo, responsabilidade.