A firma de cerámica Sargadelos defende os seus deseños diante da empresa italiana Dolce & Gabbana e acúsaa de plaxio.

A empresa de cerámica pediulle á firma italiana, xa no mes de febreiro, que deixase de vender varias pezas e artigos da súa última colección polo parecido que tiñan con deseños que Sargadelos comercializa dende os anos 60.

A empresa galega intentou chegar a un acordo amigable, pero ante a falta de avances non descartan acudir á xustiza para defender os seus deseños.