E a COVID-19 vai afectar tamén as festas do Apóstolo. Santiago manterá a ofrenda do 25 de xullo, pero non haberá espectáculo de luz no Obradoiro. Para gardar a distancia de seguridade, só poderían asistir unhas 800 persoas. Así que o concello decidiu suspendelo. Os máis de 100.000 euros que custaría destinaranse a un plan de reactivación do comercio e do sector hostaleiro. E aínda non se sabe se haberá fogos. En todo caso, o alcalde asegurou hoxe que se buscará evitar a concentración excesiva de persoas en calquera actividade festiva.