O líder de Vox, Santiago Abascal, asegurou hoxe que Pablo Casado "non chegará a ningún goberno". Nun acto multitudinario no Ifema de Madrid, Abascal dixo que mantén "infinitas diferenzas" tanto co PSOE coma co PP. Foi na presentación da súa Axenda España, alternativa á denominada Axenda 2030.

No mitin cuestionou a proposta de Casado de derrogar as leis máis ideolóxicas do PSOE se chega ao poder: "Pero se teñen as mesmas leis en Madrid, en Andalucía e en Galicia. As mesmas leis de xénero, de memoria histórica, de adoutrinamento nas aulas, de imposición lingüística e persecución do español. Se teñen as mesmas leis que Sánchez e non as quitan... Mentira, non derrogará nada e non chegará a ningún goberno, porque aos españois non se lles pode mentir".