O contaxio do coronavirus está a afectar especialmente os profesionais sanitarios. Estímase que en España máis de 20 mil traballadores foron infectados polo momento. Así, varios hospitais xa traballan nun ensaio clínico promovido polo Ministerio de Sanidade. Dous centros galegos, o Clínico de Santiago e mais o hospital universitario de Ferrol únense a este proxecto.

En total participan uns 4 mil profesionais de 63 centros hospitalarios de 13 comunidades autónomas. O ensaio comeza de xeito inminente e agarda ter os primeiros resultados en catro semanas, aínda que os traballos estenderanse durante doce semanas.

Durante este tempo comprobarase a eficacia de tres tratamentos estratéxicos que perseguen mellorar a resistencia ao contexio dos profesionais sanitarios que se atopan na primeira liña de resposta á pandemia. O Ministerio de Sanidade, a través do Plan nacional sobre a SIDA, promove este ensaio clínico.