A Consellería de Sanidade mantén soamente a Melilla dos territorios españois no rexistro obrigatorio de viaxeiros que deben de comunicar as chegadas á comunidade galega no marco da crise sanitaria pola covid-19. O 'Diario Oficial de Galicia' (DOG) actualiza este martes a listaxe de territorios incluídos no rexistro obrigatorio de viaxeiros, que con respecto ao de hai dúas semanas inclúe soamente a Melilla de entre os territorios españois. Sanidade retira Portugal desa lista en que se manteñen 26 estados europeos, entre eles, o Reino unido, Suíza, Austria, Grecia ou Irlanda.