CRTVG

Buscar

Sanidade investiga un andazo de tuberculose en Lugo

Publicado o 20/09/2019 14:32

O primeiro caso de tuberculose detectouse nun cativo de dous anos e comezou entón un estudo dos seus contactos próximos. Acabaron diagnosticando nove persoas, seis menores de idade e tres adultos pertencentes á mesma familia. O foco da enfermidade localizouse nun home que ingresou en estado grave no HULA e que xa está estable, mentres que os demais están só a tratamento.

A tuberculose adoita contaxiarse polo aire e darse en casos de convivencia prolongada. Son só os adultos as persoas que poden transmitir a enfermidade e non o fan os nenos.

Nos últimos vinte anos a incidencia da tuberculose reduciuse un 80%, con todo, os servizos sanitarios continúan examinando tamén os infectados, persoas que mantiveron contacto co bacilo pero que non están enfermas.

Envía o teu comentario!
Para poder comentar esta entrada debes estar rexistrado.
Introduce o teu usuario e contrasinal aquí

Noticias web

20/09/2019