O presidente do Goberno non se referiu explicitamente ao encontro de Junqueras e Puigdmont, pero si pediu "non seguir ancorados en 2017". Pedro Sánchez insistiu en que é necesario mirar cara adiante e apuntou que os indultos van nesa dirección. Insistiu en que a Govern debe abrir diálogo coa parte non independentista e instouno a centrarse en superar a pandemia.

"O Govern da Generalitat ten todo o apoio do Goberno de España para superar xuntos un drama que é esta calamidade da covid-19 e construír entre todos un futuro común que creo que é o que merecen os cataláns e o conxunto da sociedade española. O que non merecemos é seguir ancorados no ano 2017. Miremos cara adiante, avancemos e superemos un desgarro que foi moi importante non conxunto da sociedade catalá", di Pedro Sánchez, presidente do Goberno.