CRTVG

Buscar

Sánchez retoma as negociacións políticas e o PP pídelle que deixe paso a outro candidato

Publicado o 05/08/2019 16:27

• O mércores terá a audiencia co Rei en Mallorca, onde Filipe VI se manifestou a favor de chegar a un acordo para evitar eleccións

• Rolda de contactos na Comunidade de Madrid para a investidura de Ayuso

Pedro Sánchez retoma os contactos políticos para buscar unha maioría que permita a súa investidura. Nunha xornada de reaccións ás palabras do Rei instando a un acordo que evite eleccións. O PP cre que sería posible cun candidato de consenso, distinto a Sánchez.

Co bloqueo político de fondo, Filipe VI recibiu esta mañá as autoridades baleares e o mércores reúnese con Sánchez ao que lle vai trasladar o que xa dixo publicamente, que busquen entre todos unha solución para evitar eleccións.

O Goberno concorda con esa prioridade e esta mañá reuníase con colectivos ecoloxistas na rolda de contactos coa sociedade civil para mellorar o seu programa de goberno e presentárllelo despois aos grupos na busca dun acordo.

No PP tamén comparten a mensaxe do Rei de evitar eleccións e cren que sería posible con outro candidato.

Sánchez retoma esta tarde as negociacións políticas reuníndose en Valencia con Compromís. O seu único deputado abstívose na investidura lamentando que os socialistas non deran pasos para obter o seu apoio.

Envía o teu comentario!
Para poder comentar esta entrada debes estar rexistrado.
Introduce o teu usuario e contrasinal aquí

Noticias web

05/08/2019