O Banco de Sabadell pechará 31 oficinas en Galicia. Enmárcano nun plan que inclúe un ere que afecta decenas de empregados, con xubilacións e baixas incentivadas, pero sen concretar aínda o número de persoas afectadas.

Os sindicatos consideran que se trata dun ere inxustificado. En 2020, a entidade xa prescindira de 1.800 traballadores. Representantes da CIG reuniranse mañá en Barcelona con responsables do banco.