Rubén Albés manifestou o seu entusiasmo e confianza en que o Lugo vai salvar a categoría.

Rubén Albés, adestrador do Lugo: "Teño ese convencemento e vóullelo transmitir aos xogadores, que veñen do barro coma min".

É a duodécima aposta de Tino Saqués. Volve ao perfil de motivador para levantar o equipo.

Tino Saqués, presidente do Lugo: "Véxoo como un gran comunicador e xa lle transmitiu esa enerxía ao equipo".

Será o debut de Albés na segunda división, categoría en que o Lugo leva nove temporadas seguidas.

Albés: "Ten moitísimo mérito. Temos próximo o exemplo do Deportivo, que está na terceira categoría do fútbol español".

Confía en que cando acabe a temporada aínda lle sente ben a camiseta: "Non sei, vou perder peso co estrés que teño aquí".