Rubén Albés é o escollido polo Club Deportivo Lugo para substituír a Luis César e tratar de sacar o equipo do descenso. Esta tarde dirixiu xa o seu primeiro adestramento no Ceao. O vigués, de 36 anos, será presentado o xoves. O Lugo suporá o seu debut na Segunda División. Albés adestrara, entre outros, o Celta B e o filial do Valladolid; no cadro pucelano chegara mesmo a ser axudante no primeiro equipo. Vén de adestrar en Romanía. A visita o sábado á Ponferradina será o seu primeiro reto para reverter a complicada situación do cadro albivermello.