Confianza e convencemento na salvación, é o que transmite o adestrador do Lugo, Rubén Albés, nas horas previas ao partido decisivo do domingo

O técnico vigués envía unha mensaxe positiva e optimista para dentro do club, pero tamén para fóra, porque percibe que poucos creen na permanencia alén da cidade. Apóiase nos resultados colleitados nas últimas xornadas, sete puntos de nove posibles, e no esforzo dos xogadores para revirar unha xeira nefasta.