Ás catro e media adéstrase o Lugo no Ceao. A sesión será dirixida por Rubén Albés. Rubén Albés chegou onte á noite a Lugo, pasou unha proba PCR e será, en principio, o cuarto adestrador do Lugo esta temporada.

O técnico vigués comezou a campaña en Romanía e con anterioridade dirixiu varios equipos de Segunda B, como o filial do Celta, o filial do Valladolid, UCAM Murcia ou Eldense. Rubén Albés é máis novo que varios xogadores. Ten 36 anos e sete partidos para sacar o Lugo do pozo.