As probas complementarias realizadas ao xogador do Monbus Obradoiro Kassius Robertson determinaron que sofre unha rotura fibrilar no cuadríceps da súa perna dereita. O xogador atópase baixo tratamento de fisioterapia e o tempo estimado de recuperación é dunhas tres semanas.

O escolta obradoirista lesionouse cando faltaban 17,9 segundos para o final do encontro ante o BAXI Manresa ao chocar cun dos seus xogadores e golpear o cuadríceps dereito.