A ría de Muros e Noia volve estar aberta ao marisqueo de berberechos e ameixas. Despois da suspensión da actividade o luns pasado por mor da toxina lipofílica, as análises do Intecmar e as propias da confraría confirmaron a mellora na situación e os 1.500 mariscadores da zona poden xa volver traballar, malia que se van seguir facendo controis diarios dos niveis de toxina.