O presidente do Goberno en funcións, Pedro Sánchez, participou esta noite en Bruxelas nunha cea informal con cinco xefes de Estado representantes das tres principais formacións políticas europeas: socialistas, populares e liberais.

O obxectivo da xuntanza foi avanzar nas negociacións sobre o reparto de altos cargos da Unión Europea despois das eleccións do 26 de maio. Pedro Sánchez destacou en Twitter que o encontro foi construtivo e que intercambiaron puntos de vista sobre a axenda estratéxica da Unión.