A dirección da petroleira Repsol da Coruña comunicoulles aos representantes sindicais que adianta un mes a finalización do ERTE en que se atopa a empresa. Así os 112 traballadores da refinería coruñesa deixarán de estar afectados por esta medida a partir do 1 de setembro, segundo as previsións da empresa. Repsol vincula o adianto da finalización do ERTE ás expectativas de mellora, din, da demanda de combustibles polo incremento da mobilidade e a previsible recuperación do mercado.