A folga de maquinistas de Renfe xerou aglomeracións nas estacións de medio país. En Madrid, na de Atocha, as plataformas enchéronse de viaxeiros dende primeira hora, sen poder gardar a distancia de seguridade. Houbo tamén atrasos en varios trens. A folga durará oito días.

Este último día de setembro comeza ese calendario de folga convocado polo sindicato de maquinistas SEMAF en todo o Estado. Hoxe, día de paro total, unha xornada en que só están circulando o 75 % do servizos nas horas punta e o 50 % o resto do día. No caso de longa distancia e AVE circulan o 72 % dos trens.

Neste momento xa non están á venda os billetes para os servizos que se verán afectados. Para aqueles viaxeiros que adquiriran o billete con anterioridade, Renfe ofreceralles viaxar noutro o más próximo posible. Os maquinistas reclaman o cumprimento do plan de emprego e a reposición dos servizos anteriores á pandemia.

Os servizos de primeira hora da mañá foron os máis afectados polos paros que hoxe comezan nos trens de Renfe.De aquí ao 12 de outubro sucederanse un total de oito días de paros totais ou parciais convocados polo sindicato de maquinistas SEMAF. Reclaman que se cumpran os compromisos do plan de emprego acordado coa dirección de Renfe e que se repoñan os servizos previos á pandemia.

Desde Renfe recoñecen que hai unha falta de maquinistas derivada da imposibilidade de formar novo persoal durante a pandemia, que se irá corrixindo a partir de agora.

Houbo incidencias por incumprimento de servizos mínimos, di Renfe, en Cataluña e Valencia. Respecto á transferencia de servizos a Cataluña, a empresa ferroviaria di que afectará exclusivamente os fondos económicos.