Este sábado pechan as súas portas como puntos de vacinación masiva os recintos feirais das áreas da Coruña-Cee e de Pontevedra-O Salnés. Deste xeito, dáse por rematada a campaña de inmunización en grandes recintos. 

A partir de agora, as persoas que desexen recibir o soro deberán acudir aos centros hospitalarios de referencia. Nestes momentos, máis de 2.260.500 persoas en Galicia teñen a pauta completa. É o 92 por cento da poboación diana (a maior de 12 anos) e o 84 % do total de habitantes.