Os equipos de rescate que traballan na zona onde se estrelou o avión pilotado polo comandante Eduardo Garvalena, de 38 anos, localizaron esta mañá restos do cadáver do militar e da aeronave.
Onte recuperaron o casco do piloto e nas últimas horas o asento do avión sinistrado.

A busca céntrase a un quilómetro de distancia da costa da manga do Mar Menor e nela participan efectivos do Exército do Aire, da Armada, Garda Civil e Policía Local. É o terceiro avión que se estrela na mesma zona da costa de Murcia nos últimos tres meses.