Este domingo realizáronlle as probas PCR ás peregrinas e peregrinos que estaban confinados nun albergue de Palas de Rei.

Levaban dous días illados despois de que o xoves dera positivo unha das compañeiras de grupo cando completaban a etapa que iniciaran en Sarria.

Son un grupo de nove universitarios que estudan en Madrid e hai dous galegos, unha moza de Santiago e un mozo de Vigo. Ata este momento non tiñan síntomas e están ben, pero unha das peregrinas é paciente oncolóxica. Por iso demandaban que lles realizaran as probas diagnósticas o antes posible.