A pandemia obrigou os hospitais a paralizar toda a súa actividade para centrarse na loita contra a COVID-19. Agora retoman  os seus proxectos. Un dos máis innovadores atopámolo en Ourense. É o Living Lab.

Videoxogos que axudan a rehabilitación dos pacientes ou proxectos de estimulación neuróloxica para mellorar a recuperación tras un ictus. Son algunhas das iniciativas innovadoras que se desenvolven nesta unidade de hospitalización.

A convocatoria acaba de reactivarse, tras a parada pola pademia, e pode presentarse calquera iniciativa que mellore a calidade de vida dos doentes.

Aquí comprobarase por profesionais sanitarios e pacientes reais e perfeccionarase. Solucións que poderían ser un referente a nivel europeo.

Tecnoloxía ao servizo da saúde que se volveu aínda máis importante durante a pandemia.