Máscaras, distancia e xel son algunhas medidas de seguridade para visitar o mosteiro medieval de Santa María de Xunqueira de Espadanedo, que acaba de reabrir ao público.

Grupos reducidos para visitar un dos claustros máis curiosos da Ribeira Sacra. E medidas de seguridade tamén para entrar na súa igrexa, de transición entre o románico e o gótico. Unha xoia pouco coñecida que comeza a atraer visitantes.

Este é un dos moitos monumentos que agocha a Ribeira Sacra, un dos lugares de Europa con maior concentración de igrexas románicas e que aspira a converterse en Patrimonio da Humanidade.