En Francia, desde o sábado o toque de queda impide saír entre as nove da noite e as seis da mañá en varias rexións do país, entre elas a capital, París.

No norte de Italia, en Lombardía, o toque de queda vai desde as once ata as cinco da mañá.

En Bélxica, un dos países con maior incidencia por cada cen mil habitantes nos últimos 14 días, vai desde as doce da noite ata as cinco da mañá.

En Irlanda e Gales volven desde hoxe ao confinamento polo aumento dos contaxios. Quedan abertos os colexios.

E na República Checa, un dos países que peor evoluciona de Europa, pecharon bares, restaurantes e colexios ata o 3 de novembro.