O voceiro parlamentario do PPdeG, Pedro Puy, considera "chocante" a eliminación progresiva da tributación conxunta do IRPF, recollida no plan de recuperación do Goberno Central presentado en Bruxelas.

Pedro Puy lembra que este incentivo fiscal beneficia, sobre todo, "as unidades familiares coas rendas máis baixas", polo que considera "sorpendente" que a reforma fiscal dun Goberno progresista consista en prexudicar estes fogares.

Segundo dixo, "a complexidade do IRPF non aconsella eliminar aqueles elementos que lle dan progresividade, en favor das familias coas rendas máis baixas". Por iso, amosou a súa confianza no informe do comité experto sobre a reforma fiscal e que esta supresión quede nun "mero anuncio".