Un grupo de piratas informáticos difundiu datos persoais de varios políticos alemáns, como os da propia chanceler Merkel e do presidente Steinmeier. Publicaron información de todos os partidos, agás da formación de extrema dereita Alternativa por Alemaña. Desde o Goberno xermano aseguran que o ataque non afectou documentación sobre a seguridade do país. A difusión xira arredor de documentos internos dos partidos, datos bancarios ou persoais e informacións sensibles do círculo familiar dos afectados.