Hoxe volveron manifestarse os traballadores de Alu Ibérica na Coruña, a antiga Alcoa. Protestaron diante da subdelegación do Goberno. Apelan ás administracións para que tomen medidas e reactiven a produción na planta, que leva un mes parada.

Entenden que o administrador xudicial precise tempo para revisar as contas, pero piden actividade porque cada día que pasa a situación para eles é máis grave. Xa non cobraron a paga extra do mes de xullo e agora están pendentes de que pasará coa nómina de agosto.